আবেগৰ অভিমান।
--------------------------------
কোমল মনৰ
আবেগ কিমান গধুৰ ,
কোনোদিনা জোখা নাই ,
কিদৰে জুখিম মই
তোমাৰ অনুভৱ কিমান মধুৰ!
সাগৰৰ গভীৰতা ,
জুখিব নোৱাৰো ,
বিচাৰিব নাজানোঁ ,
সংজ্ঞা সুখ আৰু অনুভৱৰ।
বিচাৰি পোৱা নাই ,
বিচাৰিব নাজানো মই
একাজলি অনুভৱ তোমাৰ মনৰ ।
দূৰৈত থাকিলে ,
খেপিয়াই বিচাৰো অনুভৱ তোমাৰ,
কিজানিবা ওচৰতে পাওঁ।
আবেগৰ অনুভৱ হেৰাল
কেতিয়াবা নিগৰে চকুলোঁ মোৰ ,
সপোনত বিচাৰো তোমাৰ অনুভৱ ।
জানানে ?
আবেগ মোৰো আছে ,
আবেগ পুহিছোঁ মই,
মোৰো আছে অভিমান
কৰিব পৰা অনুভৱ।
--আছিম আহমেদ।
