১৩৬ টা_সাধাৰণ_জ্ঞানৰ

১৩৬টা_সাধাৰণ_জ্ঞানৰ_প্ৰশ্নোত্তৰ:-

(১) লোক-সাহিত্য মূলতঃ কেই প্ৰকাৰৰ ?
উত্তৰ- তিনি প্ৰকাৰ ।
(২) সাধুকথা কোন শ্ৰেণীৰ সাহিত্য ?
উত্তৰ- লোক-সাহিত্য।
(৩) লোকগীত প্রধানকৈ কেই প্ৰকাৰৰ ?
উত্তৰ- তিনি।
(৪) বিহুগীত, আইনাম, বিয়ানাম ইত্যাদি লোকগীতৰ কোনটো শ্ৰেণীত পৰে ?
উত্তৰ- অনুষ্ঠানমূলক লোকগীতৰ।
(৫) বিহুগীতবোৰ সাধাৰণতে কোনটো ছন্দত ৰচনা কৰা হয় ?
উত্তৰ- ত্ৰিপদী ছন্দত।
(৬) কামৰূপত যোৰা নামক কি বুলি কোৱা হয় ?
উত্তৰ- খিচাগীত।
(৭) আখ্যানমূলক লোকগীতসমূহক ইংৰাজীত কি বুলি কোৱা হয় ?
উত্তৰ- বেলাড।
(৮) ‘বেলাড‘ শব্দৰ অসমীয়া প্ৰতিশব্দ কি ?
উত্তৰ- মালিতা।
(৯) মণিকোঁৱৰৰ গীত, শান্তি বাৰমাহীৰ গীত, বৰফুকনৰ গীত ইত্যাদি কোন শ্ৰেণীৰ লোকগীত ?
উত্তৰ- আখ্যানমূলক বা বেলাড বা মালিতা শ্রেণীৰ।
(১০) আখ্যানমূলক লোকগীতসমূহক প্ৰধানকৈ কেইটা ভাগত ভাগ কৰিব পাৰি ?
উত্তৰ- তিনিটা।
(১১) বুৰঞ্জীমূলক মালিতাৰ ভিতৰত সর্বপ্রাচীন গীতটো কি ?
উত্তৰ- নাহৰৰ গীত।
(১২) বুৰঞ্জীমূলক মালিতাৰ ভিতৰত অতি অৰ্বাচীন গীতটো কি ?
উত্তৰ- মণিৰাম দেৱান।
(১৩) জনাগাভৰুৰ গীতৰ নায়ক কোন ?
উত্তৰ- গোপীচন কোঁৱৰ।
(১৪) জিকিৰ আৰু জাৰি গীতসমূহক কোন শ্ৰেণী সাহিত্যৰ অন্তর্ভুক্ত কৰিব পাৰি ?
উত্তৰ- লোকগীত।
(১৫) জিকিৰ শব্দৰ অৰ্থ কি ?
উত্তৰ- আল্লাৰ নাম স্মৰণ কৰা।
(১৬) হেমচন্দ্ৰ গোস্বামীয়ে কোনখিনি সময়ক গীতিযুগ বুলি নিৰ্দেশ কৰিছে ?
উত্তৰ- অসমীয়া সাহিত্যৰ প্রাচীনতম কালটোক।
(১৭) ‘Folk Literature of Assam‘ আৰু ‘অসমীয়া জনসাহিত্য’ শীর্ষক গ্ৰন্থ দুখনৰ লেখক কোন ?
উত্তৰ- ড০ প্ৰফুল্ল দত্ত গোস্বামী।
(১৮) ‘আকুল পথিক’ গ্রন্থখনৰ লেখক কোন ?
উত্তৰ- ডিম্বেশ্বৰ নেওগ।
(১৯) ‘অসমীয়া লোকগীত’ গ্রন্থখন কাৰ ৰচনা ?
উত্তৰ- ড০ লীলা গগৈৰ।
(২০) ‘অসমীয়া সাহিত্যৰ চানেকি’ গ্রন্থখন কাৰ ৰচনা ?
উত্তৰ- হেমচন্দ্ৰ গোস্বামীৰ।
(২১) ‘অখ্যাত কবিৰ বিখ্যাত ৰচনা’ বুলি কোনবিধ সাহিত্যক কোৱা হয় ?
উত্তৰ- লোক-সাহিত্যক।
(২২) অসমীয়া ভাষাৰ প্ৰাচীনতম নিদৰ্শন বুলি কোন শ্ৰেণীৰ সাহিত্যক কোৱা হয় ?
উত্তৰ- চর্যাপদক।
(২৩) চর্যাপদসমূহ কাৰ ৰচনা ?
উত্তৰ- সহজীয়া বৌদ্ধ সিদ্ধাচার্যসকলৰ।
(২৪) চর্যাপদসমূহ কোনে, কিমান চনত সংগ্ৰহ কৰিছিল ?
উত্তৰ- হৰপ্ৰসাদ শাস্ত্ৰীয়ে, ১৯০৭ চনত।
(২৫) হৰপ্ৰসাদ শাস্ত্ৰীয়ে ‘চর্যাপদ’ বা বৌদ্ধগানসমূহ ক’ৰ পৰা সংগ্ৰহ কৰি আনিছিল ?
উত্তৰ- নেপালৰ ৰাজদৰবাৰ গ্রন্থালয়ৰ পৰা।
(২৬) চর্যাপদসমূহ ‘হাজাৰ বছৰেৰ পুৰাণ বাঙ্গালা ভাষায় বৌদ্ধগান ও দোহা’ এই নামেৰে কোনে, কিমান চনত প্রকাশ কৰিছিল ?
উত্তৰ- হৰপ্ৰসাদ শাস্ত্ৰীয়ে, ১৯২৬ চনত।
(২৭) ‘চর্যাচর্য বিনিশ্চয়’ নামটো কোনে দিছিল ?
উত্তৰ- হৰপ্ৰসাদ শাস্ত্ৰীয়ে।
(২৮) চর্যাপদৰ মূল পুথিখনৰ নাম কি? নাইবা, ‘চর্যাচর্য বিনিশ্চয়’ৰ আচল নাম কি ?
উত্তৰ- চর্যাগীতিকোষ।
(২৯) ‘চর্যাচর্য বিনিশ্চয়’ত কিমানটা পূর্ণগীত পোৱা যায় ?
উত্তৰ- ৪৬ টা।
(৩০) ‘চর্যাচর্য বিনিশ্চয়’ত কিমানটা খণ্ডিত গীত পোৱা যায় ?
উত্তৰ- এটা।
(৩১) ‘চর্যাচর্য বিনিশ্চয়’ত কিমানজন সিদ্ধাচার্যৰ গীত সন্নিৱিষ্ট আছে ?
উত্তৰ- ২৪ জন।
(৩২) কোনখন গ্ৰন্থৰ আধাৰত সৰহপাদক কামৰূপৰ ৰাজ্ঞী (বৰ্তমান ৰাণী) অঞ্চলত উদ্ভৱ হোৱা বুলি কোৱা হয় ?
উত্তৰ- Pag Sam Jon Zen.
(৩৩) বৌদ্ধগান আৰু দোহাসমূহ কোন পন্থাৰ ধৰ্ম সাধনৰ গীত ?
উত্তৰ- সহজযান পন্থাৰ।
(৩৪) চর্যাগীতৰ ভাষা কি ?
উত্তৰ- সন্ধ্যা ভাষা।
(৩৫) সন্ধ্যাৰ আধা আলো আধা ছাঁয়াৰ ৰহস্যঘনতাই আবৃত গীত বুলি কাক অভিহিত কৰা হয় ?
উত্তৰ- চর্যাপদক।
(৩৬) কাৰ চর্যাত ব্যাধ আৰু হৰিণ চিকাৰৰ বর্ণনা আছে ?
উত্তৰ: ভূ-সূকৰ চর্যাত।
(৩৭) কোনটো চর্যাত দবা খেলৰ উল্লেখ আছে ?
উত্তৰ- ২ নং চর্যাত।
(৩৮) কিমান নং চৰ্যাত বিবাহ যাত্ৰাৰ বর্ণনা আছে ?
উত্তৰ- ১৯ নং চৰ্যাত।
(৩৯) কোনটো চর্যাত ৰজাই সৈন্য সামন্ত লৈ পৰৰাজ্য অধিকাৰ কৰাৰ প্রয়াস বর্ণিত আছে ?
উত্তৰ- ৪৮ নং চর্যাত।
(৪০) চর্যাপদত কোনখন সমাজৰ চিত্ৰ বিশেষভাৱে অঙ্কিত ?
উত্তৰ- নিম্ন শ্ৰেণীৰ সমাজৰ চিত্ৰ।
(৪১) চর্য্যাপদ-(১) “কাআ তৰুবৰ পঞ্চ বি ডাল” শীর্ষক গীতটি কাৰ ৰচনা? গীতটিৰ ৰাগ কি ?
উত্তৰ- লুইপাদ, ৰাগ-পটমঞ্জৰী।
(৪২) চৰ্যাপদবোৰ কি ছন্দত ৰচিত ?
উত্তৰ- মাত্ৰাবৃত্ত ছন্দত।
(৪৩) অসমীয়া ভাষাৰ উপৰিও আন কি কি ভাষাৰ লোকে চর্যাপদক সেই ভাষাৰ প্ৰাচীনতম নিদৰ্শন বুলি গ্ৰহণ কৰিছে ?
উত্তৰ- বঙলা, মৈথিলী, উড়িয়া।
(৪৪) দশম শতাব্দীৰ কামৰূপৰ ৰজা ৰত্নপালক বজ্রযানী পন্থাত বিশ্বাস কৰোৱা চর্যাকাৰজন কোন আছিল ?
উত্তৰ- সৰহপাদ।
(৪৫) ‘চর্যাচর্য বিনিশ্চয়’ৰ টীকাকাৰ কোন আছিল ?
উত্তৰ- মুনিদত্ত।
(৪৬) লোক সমাজে বেদৰ বাণী জ্ঞান কৰা লোক সাহিত্য বিধ কি ?
উত্তৰ: ডাকৰ বচন।
(৪৭) মাত্ৰাবৃত্ত ছন্দৰ সলনি আক্ষৰিক ছন্দৰ প্রৱর্তন কোন যুগত হৈছিল?
উত্তৰ- প্ৰাক্ শংকৰী যুগত।
(৪৮) প্রাক্ শংকৰী যুগৰ (চতুর্দশ শতিকাৰ) কবি কেইজনৰ নাম লিখা।
উত্তৰ- হেম সৰস্বতী, কবিৰত্ন সৰস্বতী, ৰুদ্ৰ কন্দলী, হৰিবৰ বিপ্র আৰু মাধৱ কন্দলী।
(৪৯) হেম সৰস্বতীয়ে কোনজন ৰজাৰ পৃষ্ঠপোষকতা লাভ কৰিছিল ?
উত্তৰ- দুৰ্লভ নাৰায়ণৰ।
(৫০) ‘প্ৰহ্লাদ চৰিত্র’ আৰু ‘হৰগৌৰী-সংবাদ’ কোনে ৰচনা কৰিছিল ?
উত্তৰ- হেম সৰস্বতীয়ে।
(৫১) নিভাঁজ অসমীয়া ভাষাৰ প্ৰথম লিখিত নিদৰ্শন কি ?
উত্তৰ- ‘প্রহ্লাদ চৰিত্ৰ’।
(৫২) হেম সৰস্বতীয়ে ক’ৰ পৰা ‘প্রহ্লাদ চৰিত্ৰ’ৰ ঘটনা লৈছিল?
উত্তৰ- ‘বামন-পুৰাণ’ৰ পৰা।
(৫৩) হেম সৰস্বতীৰ ‘প্রহ্লাদ চৰিত্ৰ’ত কিমানটা পদ আছে ?
উত্তৰ- এশটা।
(৫৪) ‘প্রহ্লাদ চৰিত্ৰ’খন প্রথমে কোনে, কেতিয়া সম্পাদনা কৰি উলিয়ায় ?
উত্তৰ- কালিৰাম মেধিয়ে, ১৯১৩ চনত।
(৫৫) হেম সৰস্বতীৰ ‘হৰগৌৰী-সংবাদ’ কিমানটা পদত ৰচিত ?
উত্তৰ- ৮৯৯ টা।
(৫৬) কবিৰত্ন সৰস্বতীয়ে কোনজন ৰজাৰ পৃষ্ঠপোষকতা লাভ কৰিছিল ?
উত্তৰ- দুর্লভ নাৰায়ণৰ পুত্ৰ ইন্দ্ৰ নাৰায়ণৰ।
(৫৭) মহাপুৰুষ মাধৱদেৱৰ ভাগিন ৰামচৰণ ঠাকুৰৰ সপ্তম উপৰিপুৰুষজনৰ নাম কি ?
উত্তৰ- কবিৰত্ন সৰস্বতী।
(৫৮) মহাভাৰতৰ দ্ৰোণ পৰ্বৰ অন্তর্গত কাব্যখনৰ নাম কি ?
উত্তৰ- ‘জয়দ্রথ বধ’।
(৫৯) ‘কৈলাশ বৰ্ণনা’ অংশটি কোনখন কাব্যৰ অন্তর্গত ?
উত্তৰ- ‘জয়দ্রথ বধ’।
(৬০) ‘জয়দ্রথ বধ’ কাব্যখনৰ ৰচক কোন ?
উত্তৰ- কবিৰত্ন সৰস্বতী।
(৬১) ৰুদ্ৰ কন্দলীয়ে কোনজন ৰজাৰ পৃষ্ঠপোষকতা লাভ কৰিছিল ?
উত্তৰ- শ্ৰীমন্ত তাম্ৰধ্বজৰ।
(৬২) ‘সাত্যকি প্ৰৱেশ’ কাব্যৰ ৰচক কোন?
উত্তৰ- ৰুদ্ৰ কন্দলী।
(৬৩) কমতাপুৰৰ ৰজাৰ অনুপ্ৰেৰণা লাভ কৰা কবি সকলৰ ভিতৰত সর্বশ্রেষ্ঠ কবি কোন ?
উত্তৰ- হৰিবৰ বিপ্র।
(৬৪) হৰিবৰ বিপ্রই কোনজন ৰজাৰ পৃষ্ঠপোষকতা লাভ কৰিছিল ?
উত্তৰ- দুর্লভ নাৰায়ণৰ।
(৬৫) ‘বব্রুবাহনৰ যুদ্ধ’, ‘লৱ-কুশৰ যুদ্ধ’ আৰু ‘তাম্ৰধ্বজৰ যুদ্ধ’ কোনে ৰচনা কৰিছিল ?
উত্ত- হৰিবৰ বিপ্রই।
(৬৬) ‘বব্রুবাহনৰ যুদ্ধ’ আৰু ‘লৱ-কুশৰ যুদ্ধ’ কাব্য দুখনৰ মূল কি ?
উত্তৰ- ‘জৈমিনি অশ্বমেধ’।
(৬৭) মহাভাৰতৰ ‘অশ্বমেধ’ পর্বৰ পৰা বিষয়বস্তু লৈ কাব্য ৰচনা কৰা কবি গৰাকী কোন?
উত্তৰ- হৰিবৰ বিপ্র।
(৬৮) অসমীয়া সাহিত্যৰ প্রথম গৰাকী বীৰ কাব্য ৰচক কোন ?
উত্তৰ- হৰিবৰ বিপ্র।
(৬৯) প্রাক্ শংকৰী যুগৰ শ্ৰেষ্ঠ কবিজনৰ নাম কি ?
উত্তৰ- মাধৱ কন্দলী।
(৭০) মাধৱ কন্দলী কোনজন ৰজাৰ ৰাজকবি আছিল ?
উত্তৰ- বৰাহী ৰজা মহামাণিক্যৰ।
(৭১) মাধৱ কন্দলীয়ে কোনজন ৰজাৰ পৃষ্ঠপোষকতা লাভ কৰিছিল ?
উত্তৰ- বৰাহী ৰজা মহামাণিক্যৰ।
(৭২) মাধৱ কন্দলীয়ে কোনজন ৰজাৰ পৃষ্ঠপোষকতাত ‘ৰামায়ণ’ ৰচনা কৰিছিল ?
উত্তৰ- বৰাহী ৰজা মহামাণিক্যৰ।
(৭৩) মাধৱ কন্দলীয়ে জন সমাজত কি বুলি খ্যাতি লাভ কৰিছিল ?
উত্তৰ- ‘কবিৰাজ কন্দলী’।
(৭৪) ‘কবিৰাজ কন্দলী’ হিচাপে জনাজাত কবি গৰাকী কোন ?
উত্তৰ- মাধৱ কন্দলী।
(৭৫) মাধৱ কন্দলীয়ে বাল্মীকিৰ ৰামায়ণ অসমীয়ালৈ অনুবাদ কৰোঁতে কি নীতি অৱলম্বন কৰিছিল ?
উত্তৰ- ‘লম্ভা পৰিহৰি সাৰোদ্ধৃতে’।
(৭৬) মাধৱ কন্দলীয়ে ৰচনা কৰা ৰামায়ণ খনৰ নাম কি ?
উত্তৰ- ‘সপ্তকাণ্ড ৰামায়ণ’।
(৭৭) মাধৱ কন্দলীৰ ৰামায়ণত কেইটা কাণ্ড পোৱা যায় ?
উত্তৰ- পাঁচটা।
(৭৮) মাধৱ কন্দলীৰ ৰামায়ণৰ প্ৰথম সম্পাদনা কোনে কৰিছিল ?
উত্তৰ- মাধৱচন্দ্র বৰদলৈয়ে।
(৭৯) নব্য ভাৰতীয় আৰ্য ভাষাত প্ৰথম ৰামায়ণ ৰচনা কৰা কবি গৰাকী কোন ?
উত্তৰ- মাধৱ কন্দলী।
(৮০) মাধৱ কন্দলীয়ে ৰামায়ণৰ উপৰি আন কি কাব্য ৰচনা কৰিছিল ?
উত্তৰ- ‘দেৱজিৎ’।
(৮১) ‘অপ্রমাদী কবি’ কোন ?
উত্তৰ- মাধৱ কন্দলী।
(৮২) মাধৱ কন্দলীক ‘অপ্রমাদী কবি’ বুলি কোনে অভিহিত কৰিছিল ?
উত্তৰ- শংকৰদেৱে।
(৮৩) মাধৱ কন্দলীক ‘অসমীয়া ছচাৰ’ বুলি কোনে অভিহিত কৰিছিল ?
উত্তৰ- হেমচন্দ্ৰ গোস্বামীয়ে।
(৮৪) ‘শ্রীকৃষ্ণ-কীর্তন’ৰ কবি কোন ?
উত্তৰ- বড়ু চণ্ডীদাস।
(৮৫) ‘শ্রীকৃষ্ণ-কীর্তন’ৰ ৰচনা কাল কিমান ?
উত্তৰ- চতুর্দশ শতিকা।
(৮৬) ‘শ্রীকৃষ্ণ-কীর্তন’ৰ উদ্ধাৰকর্তা আৰু প্রথম সম্পাদকজনৰ নাম কি?
উত্তৰ- বসন্তৰঞ্জন ৰায় বিদ্ধত বল্লভ।
(৮৭) “শ্ৰীকৃষ্ণ-কীর্তনৰ পাতে পাতে কিমান যে ভুল-ভ্রান্তি, অসতর্কতা আৰু দায়িত্বহীনতাৰ পৰিচয় ঘটিছে সেইটো দেখি শিক্ষিত বঙালী মাত্ৰেই লজ্জিত আৰু মৰ্মাহত হ’ব” বুলি কোনে মন্তব্য কৰিছিল ?
উত্তৰ- ড০ অমিত্রসূদন ভট্টাচাৰ্যই।
(৮৮) “উপভাষাবোৰ স্বতন্ত্ৰ-বিকাশৰ যাত্ৰা আৰম্ভ হোৱা নাই, কিন্তু সুস্পষ্ট ৰূপে নিৰ্দ্ধাৰিত হৈছে। এনেকুৱা উপভাষা কিছুমানৰ সানমিহলি ৰূপ এটা কৃষ্ণ-কীর্তনৰ ভাষাই দাঙি ধৰে।” কথাষাৰ কোনে কৈছিল ?
উত্তৰ- ড০ বাণীকান্ত কাকতিয়ে।
(৮৯) ‘গীতগোবিন্দ’ কাব্যৰ ৰচক কোন ?
উত্তৰ- জয়দেৱ।
(৯০) ‘শ্ৰীকৃষ্ণ-কীর্তন’ত জয়দেৱৰ কোনখন কাব্যৰ প্ৰভাৱ পৰা দেখা যায় ?
উত্তৰ- ‘গীতগোবিন্দ’।
(৯১) ‘শ্রীকৃষ্ণ-কীর্তন’ কেইটা খণ্ডত বিভক্ত ?
উত্তৰ- ১৩ টা।
(৯২) ‘শ্ৰীকৃষ্ণ-কীর্তন’ত থকা শ্লোক আৰু পদৰ সংখ্যা কিমান ?
উত্তৰ- ১৬১ টা শ্লোক আৰু ৪১৮ টা পদ।
(৯৩) কোন গৰাকী ব্যক্তিয়ে ‘শ্ৰীকৃষ্ণ-কীর্তন’ৰ ভাষাক কামৰূপ গৌড়ৰ সীমা মুৰিয়লিৰ বস্তু বুলি মত প্ৰকাশ কৰিছে ?
উত্তৰ- মহেশ্বৰ নেওগে।
(৯৪) ‘শূন্যপুৰাণ’ কোনে ৰচনা কৰিছিল ?
উত্তৰ- ৰামাই পণ্ডিতে।
(৯৫) ‘শূন্যপুৰাণ’ গ্রন্থখনত কোন দেৱতাৰ উল্লেখ আছে ?
উত্তৰ- ধর্মদেৱতাৰ।
(৯৬) ‘শূন্যপুৰাণ’ৰ সৃষ্টি-তত্ত্বৰ লগত কোনখন গ্ৰন্থৰ বিষয়গতৰ লগতে ভাষাগতৰ কিছু সাদৃশ্য দেখা যায় ?
উত্তৰ- মনকৰৰ ‘পদ্মাপুৰাণ’।
(৯৭) ‘শূন্যপুৰাণ’ গ্রন্থখনৰ সম্পাদনাৰ লগত জড়িত ব্যক্তি গৰাকী কোন ?
উত্তৰ- নগেন্দ্ৰ নাৰায়ণ বসু।
(৯৮) নাথ বা যোগী সাহিত্যৰ প্রৱর্তক কোন ?
উত্তৰ- মৎস্যেন্দ্ৰ নাথ।
(৯৯) দশম-একাদশ শতিকাৰ নাথ সিদ্ধসকলৰ কাহিনীক লৈ ৰচনা কৰা গীতবোৰক কি হিচাপে জনা যায় ?
উত্তৰ- গোপীচন্দ্রৰ গীত।
(১০০) গোপীচন্দ্রৰ গীত কোন শ্ৰেণীৰ সাহিত্যৰ অন্তৰ্ভুক্ত ?
উত্তৰ- নাথ সাহিত্য।
(১০১) পাঁচালি শব্দটো ক’ৰ পৰা আহিছে ?
উত্তৰ- সংস্কৃত ‘পাঞ্চালিকা’ শব্দৰ পৰা।
(১০২) বিশেষভাৱে উল্লেখযোগ্য পাঁচালি কাব্যৰ কবি কেইজনৰ নাম লিখা।
উত্তৰ- পীতাম্বৰ কবি, দুর্গাবৰ কায়স্থ, মনকৰ আৰু সুকবি নাৰায়ণদেৱ।
(১০৩) ‘ঊষা-পৰিণয়’, ‘ভাগৱত দশম স্কন্ধ’, ‘মার্কণ্ডেয় চণ্ডী’ আৰু ‘নল-দময়ন্তী’ কোনে ৰচনা কৰিছিল ?
উত্তৰ- পীতাম্বৰ কবিয়ে।
(১০৪) পীতাম্বৰ কবিৰ প্রথম ৰচনা কি ?
উত্তৰ- ‘ঊষা-পৰিণয়’।
(১০৫) পীতাম্বৰ কবিয়ে ‘ঊষা-পৰিণয়’ কাব্য কেতিয়া ৰচনা কৰিছিল ?
উত্তৰ- ১৫৩৩ খ্ৰীঃত।
(১০৬) ‘ঊষা-পৰিণয়’ কাব্যৰ মূল কি ?
উত্তৰ- হৰিবংশ বিষ্ণু পর্বৰ ১১৬-১২৮ অধ্যায়।
(১০৭) কোচবিহাৰৰ ৰাজকীয় গ্ৰন্থাগাৰত পীতাম্বৰ কবিৰ কোন দুখন গ্ৰন্থ হাতে লিখা অৱস্থাত সংৰক্ষিত হৈ আছে ?
উত্তৰ- ‘মার্কণ্ডেয় চণ্ডী’ আৰু ‘দশম স্কন্ধ’।
(১০৮) পীতাম্বৰৰ ‘ভাগৱত দশম স্কন্ধ’ কি ছন্দত ৰচিত ?
উত্তৰ- পয়াৰ আৰু ত্ৰিপদী ছন্দত।
(১০৯) কোন গৰাকী কবিয়ে নিজকে ‘শিশুমতি’ বুলি পৰিচয় দিছিল ?
উত্তৰ- পীতাম্বৰ কবিয়ে।
(১১০) কোন গৰাকী কবিক ‘তামসিক’ বুলি আখ্যা দিয়া হয় ?
উত্তৰ- পীতাম্বৰ কবিক।
(১১১) পীতাম্বৰ কবিক ‘তামসিক’ বুলি কোনে আখ্যা দিছিল ?
উত্তৰ- শংকৰদেৱে।
(১১২) ‘গীতি-ৰামায়ণ’ আৰু ‘বেউলা-আখ্যান’ কোনে ৰচনা কৰিছিল ?
উত্তৰ- দুর্গাবৰ কায়স্থই।
(১১৩) দুর্গাবৰৰ ‘গীতি-ৰামায়ণ’ত মুঠ কেইটা গীত সন্নিৱিষ্ট আছে ?
উত্তৰ- ৫৮ টা।
(১১৪) “‘গীতি-ৰামায়ণ’ বাল্মীকিৰ অনুবাদ নহয় বৰং অপ্রমাদী কবি মাধৱ কন্দলীৰ ৰামায়ণৰ জনপ্ৰিয় সংস্কৰণ।” উক্তিটো কাৰ ?
উত্তৰ- সত্যেন্দ্ৰনাথ শৰ্মা।
(১১৫) দুর্গাবৰৰ ‘গীতি-ৰামায়ণ’ক মাধৱ কন্দলীৰ পদ ৰামায়ণৰ ওজাপালি তাঙৰণ আখ্যা দিয়া বিশিষ্ট ব্যক্তি গৰাকী কোন ?
উত্তৰ- মহেশ্বৰ নেওগ।
(১১৬) দুর্গাবৰৰ ‘গীতি-ৰামায়ণ’ক ‘বাল্মীকি মহাকাব্যৰ গাঁৱলীয়া তাঙৰণ’ বুলি কোনে মত প্ৰকাশ কৰিছে ?
উত্তৰ- ড০ বাণীকান্ত কাকতিয়ে।
(১১৭) কোচৰজা বিশ্বসিংহৰ আমোলত বহুবল শিকদাৰৰ অনুপ্ৰেৰণা লাভ কৰি গীত ৰচনা কৰা কবি গৰাকী কোন ?
উত্তৰ- দুর্গাবৰ কায়স্থ।
(১১৮) কোন গৰাকী ৰজাক ‘ৰাজা জল্পেশ্বৰ’ বুলি আখ্যা দিয়া হয় ?
উত্তৰ- বিশ্বসিংহক।
(১১৯) বিশ্বসিংহক ‘ৰাজা জল্পেশ্বৰ’ বুলি কোনে আখ্যা দিছিল ?
উত্তৰ- মনকৰে।
(১২০) ‘মনসা কাব্য’ কাৰ ৰচনা ?
উত্তৰ- মনকৰৰ।
(১২১) মনকৰৰ পদ্মাপুৰাণৰ লগত সাদৃশ্য থকা পুথিখন কি ?
উত্তৰ- ‘শূন্যপুৰাণ’।
(১২২) মনকৰৰ কাব্যত কোন দুবিধ ৰসৰ প্ৰতিপত্তি দেখা যায় ?
উত্তৰ- হাস্য আৰু শৃংগাৰ।
(১২৩) ‘সুকনান্নী’ নামেৰে জনাজাত কাব্যখন কি ?
উত্তৰ- ‘পদ্মপুৰাণ’।
(১২৪) ‘সুকনান্নী’ কবি কোন ?
উত্তৰ- সুকবি নাৰায়ণদেৱ।
(১২৫) ‘জগত গুৰু’ কোন ?
উত্তৰ- শংকৰদেৱ।
(১২৬) শংকৰদেৱৰ জন্ম কেতিয়া হৈছিল ?
উত্তৰ- ১৪৪৯ খ্ৰীঃত, ১৩৭১ শকত।
(১২৭) শংকৰদেৱৰ জন্ম ক’ত হৈছিল ?
উত্তৰ- নগাঁও জিলাৰ বৰদোৱাত।
(১২৮) শংকৰদেৱৰ পিতৃৰ নাম কি ?
উত্তৰ- কুসুম্বৰ ভূঞা।
(১২৯) শংকৰদেৱৰ মাতৃৰ নাম কি ?
উত্তৰ- সত্যসন্ধ্যা দেৱী।
(১৩০) শংকৰদেৱক কোনে ডাঙৰ-দীঘল কৰিছিল ?
উত্তৰ- বুঢ়ীমাক খেৰশুতীয়ে।
(১৩১) শংকৰদেৱে কাৰ টোলত শিক্ষা গ্ৰহণ কৰিছিল ?
উত্তৰ- মহেন্দ্ৰ কন্দলীৰ।
(১৩২) শংকৰদেৱৰ প্রথমা পত্নীৰ নাম কি ?
উত্তৰ- সূর্যৱতী।
(১৩৩) শংকৰদেৱৰ দ্বিতীয়া পত্নীৰ নাম কি ?
উত্তৰ- কালিন্দী।
(১৩৪) শংকৰদেৱৰ মৃত্যু কেতিয়া হৈছিল ?
উত্তৰ- ১৫৬৮ খ্ৰীঃত।
(১৩৫) শংকৰদেৱৰ মৃত্যু কোন স্থানত হৈছিল ?
উত্তৰ- কোচবিহাৰত।
(১৩৬) শংকৰদেৱে কাৰ পৃষ্ঠপোষকতা লাভ কৰিছিল ?
উত্তৰ- নৰনাৰায়ণৰ।